Қазақстанда FIFAe аясында киберфутболдан чемпионат басталады

Сәуір айында Қазақстан футбол федерациясының бастамасымен киберфутболдан Қазақстан чемпионаты басталады. Турнирдің мақсаты – халықаралық FIFAe жарыстарына қатысатын ұлттық құраманы жасақтау.

Чемпионат бірнеше ойын тәртібі бойынша өтеді. 6 сәуірде жарыстар eFootball (Console) платформасында басталады. 20 сәуірде Rocket League, ал 27 сәуірде eFootball (Mobile) бойынша турнирлер өтеді.

Барлық ойындар онлайн форматта ұйымдастырылады. Чемпионатқа 16 жастан асқан кез келген адам қатыса алады. Ол үшін қатысушылар FIFA.GG платформасында тіркелуі қажет.

Чемпионат қорытындысы бойынша 10 ойыншыдан тұратын кеңейтілген ұлттық құрама жасақталады. Кейін осы құрамадан халықаралық FIFAe жарыстарында ел намысын қорғайтын негізгі команда анықталады.